BVF Azərbaycanda işsizlik üzrə proqnozunu yeniləyib

Beynəlxalq Valyuta Fondu (BVF) Azərbaycanda işsizlik üzrə yenilənmiş proqnozunu artırıb.

“APA-Economics”in BVF-nin “World Economic Outlook” hesabatının oktyabr buraxılışına əsasən verdiyi məlumata görə, 2020-ci ildə Azərbaycanda işsizlik səviyyəsi 6,5% təşkil edəcək, 2021-ci ildə isə azalaraq 5,8%-ə bərabər olacağı gözlənilir.

Fondun 2020-ci və 2021-ci il üçün işsizlik üzrə aprel proqnozu 5%-ə bərabər idi.

Xatırladaq ki, Azərbaycan Dövlət Statistika Komitəsinin məlumatına görə, 2020-ci il yanvar ayının 1-i vəziyyətinə məşğulluq xidməti orqanlarında qeydiyyata alınmış işsiz şəxslərin sayı 81,3 min nəfər olub.