UEFA Serbiya Futbol Federasiyasını cəzalandırıb

UEFA Serbiya millisinin baş məşqçisi Lyubişa Tumbakoviçi cəzalandırıb.
 
Apasport.az saytının məlumatına görə, həmçinin Serbiya Futbol Federasiyasına cərimə tətbiq edilib.
 
Buna səbəb oktyabrın 11-də Millətlər Liqasında Macarıstanla keçirilən ev oyunundan (0:1) əvvəl komandanın tunelə gec gəlməsidir. Federasiya 20 min avro məbləğində cərimələnibsə, Tumbakoviç 1 matçlıq diskvalifikasiyaya məruz qalıb. Çalışdırıcı eyni zamanda 5 min avro cərimələnib.
 
Serbiya yığması noyabrın 15-də Macarıstanla keçiriləcək cavab görüşünə baş məşqçisiz çıxacaq. Ondan 3 gün əvvəl AVRO-2020-nin pley-off mərhələsində Şotlandiya ilə görüşdə Tumbakoviç texniki zonadakı yerini ala biləcək.