Yaponiya dünya çempionatında iştirakdan imtina edib
03.11.2020“Hakimiyyet.com” xəbər verir ki,
Daha bir ölkənin güləş üzrə milli komandası dünya çempionatından imtina edib.
Apasport.az saytının məlumatına görə, ABŞ-dan sonra Yaponiya yığması da dekabrda Serbiyada təşkil edilməsi planlaşdırılan yarışa qatılmamaq qərarına gəlib.
Tokio-2020 Yay Olimpiya Oyunlarına ev sahibliyi edəcək ölkənin güləş federasiyası koronavirus infeksiyasının yayılma riskini nəzərə alaraq, Belqrada yollanmamağı məqsədəuyğun bilib.
Qeyd edək ki, güləş üzrə dünya çempionatının dekabrın 12-20-də Belqradda keçirilməsi nəzərdə tutulur. UWW yarışın keçirilib-keçirilməyəcəyi ilə bağlı son qərarı həftə ərzində baş tutacaq iclasda verəcək.
