Salyanda su kanalından meyit tapılıb

Salyan rayonunda su kanalından kişi meyiti tapılıb.

APA-nın Fövqəladə Hallar Nazirliyinin saytına istinadən verdiyi xəbərə görə, Böhran Vəziyyətlərində İdarəetmə Mərkəzinə Yuxarı Şirvan kanalının Salyan rayonu, Xıdırlı kəndi ərazisindən keçən hissəsində naməlum kişi meyitinin aşkar olunması barədə məlumat  daxil olub. Hadisə yerinə cəlb olunan Kiçikhəcmli Gəmilərə Nəzarət və Sularda Xilasetmə Dövlət Xidmətinin müvafiq xilasetmə qüvvələri tərəfindən meyit aidiyyəti üzrə təhvil verilib.