Britaniyada son sutkada 40 mindən çox koronavirusa yoluxma qeydə alınıb
22.01.2021Böyük Britaniyada son sutka ərzində 40 261 nəfər koronavirusa yoluxub.
APA-nın Britaniya müxbirinin verdiyi məlumata görə, bu barədə ölkənin Səhiyyə Departamenti məlumat yayıb.
Hazırda koronavirusa yoluxanların ümumi sayı 3 583 907 nəfərdir.
Son sutka ərzində 1401 nəfər koronavirusdan həyatını itirib. Bununla da Britaniyada koronavirusdan ölənlərin ümumi sayı 95 981 nəfərə çatıb.
