Xaçmazda 17 yaşlı gənc zəhərli qazdan boğularaq ölüb

Xaçmazda 17 yaşlı gənc elektrik generatorundan çıxan zəhərli qazdan boğularaq ölüb.

AZƏRTAC-ın bölgə müxbiri xəbər verir ki, bədbəxt hadisə şəhər ərazisindəki dönərxananın zirzəmisində baş verib.

Hadisə nəticəsində Xaçmaz rayonu Əhmədoba kənd sakini, 2004-cü il təvəllüdlü Səbuhi İsmayıl oğlu Kərimov dünyasını dəyişib. Ona kömək etməyə çalışarkən zəhərlənən Müzəffəroba kənd sakini 1995-ci il təvəllüdlü Mayıl Eyyub oğlu Məmmədov isə Xaçmaz Rayon Mərkəzi Xəstəxanasına yerləşdirilib.

Faktla bağlı araşdırma aparılır.