Fransalı futbolçu “Neftçi”yə təşəkkür etdi
02.01.2022Bir neçə gün öncə “Neftçi”dən ayrılan fransalı futbolçu Romen Bask Bakı klubu ilə vidalaşıb.
Bask şəxsi instaqram hesabı vasitəsi ilə sabiq klubuna təşəkkür edib. “Şatoru” ilə müqavilə bağladığını bildirən 26 yaşlı fransalı onu dəstəkləyən “Neftçi”nin azarkeşlərinə də ayrıca minnətdarlığını çatdırıb, onlara uğurlar arzulayıb.
Bask “Neftçi”yə yay fasiləsində “Havr”dan keçmişdi. O, paytaxt təmsilçisinin heyətində 12 oyun keçirib. Fransalı futbolçu “Şatoru” ilə 3 illik müqavilə imzalayıb.
“HAKİMİYYƏT” qəzeti