Əminə Ərdoğan humanitar yardıma görə Mehriban Əliyevaya təşəkkür edib

Hakimiyyet.info.az xəbər verir ki, Türkiyə Respublikasının Prezidenti Rəcəb Tayyib Ərdoğanın xanımı Əminə Ərdoğan Azərbaycanın Birinci vitse-prezidenti Mehriban Əliyevaya humanitar yardıma görə təşəkkür edib.

Əminə Ərdoğan bu barədə “Twitter“də paylaşım edib:

“Kədəriniz kədərimizdir” deyən azərbaycanlı qardaşlarımızı unutmayacağıq. Axtarış-xilasetmə heyətləri başda olmaq üzrə humanitar yardım təyyarələri ilə ilk gündən etibarən bizimlə olan Azərbaycana və dəyərli dostum Mehriban Əliyevaya dəstəkləri üçün şükranlarımı bildirirəm”, – deyə paylaşımda bildirib.