Latviya Ukraynaya 1400 ədəd PUA göndərəcək

Latviya Ukraynaya təhvil verilməsi üçün pilotsuz uçuş aparatlarının (PUA) ən böyük partiyasının hazırlanmasını başa çatdırıb.

Trend xarici KİV-lərə istinadən xəbər verir ki, bu barədə Latviyanın müdafiə naziri Andris Spruds deyib.

“Latviya istehsalçılarına məxsus pilotsuz təyyarələrin ən böyük partiyası Ukraynaya göndərilmək üçün hazırlanıb – 1400 PUA”, – o bildirib.

Qeyd edək ki, Latviya Ukrayna hakimiyyətinə təhvil verilməsi üçün təxminən 2,7 min pilotsuz təyyarə alıb.