Mingəçevirdə iki qayıq toqquşdu – Yaralılar var
05.07.2025Kür çayının Mingəçevir şəhərindən keçən hissəsində iki ədəd mühərrikli qayıq toqquşub.
Bu barədə Trend-in sorğusuna cavab olaraq Fövqəlaadə Hallar Nazirliyindən bildirilib.
“FHN-in Kiçikhəcmli Gəmilərə Nəzarət və Sularda Xilasetmə Dövlət Xidmətinin qüvvələri dərhal əraziyə cəlb olunub və qayıqların vətəndaşlarla birgə sahilə çıxarılması təmin edilib.
Qəza nəticəsində su nəqliyyat vasitələrində olan 5 nəfər vətəndaş yüngül xəsarət alıb.
Hadisə ilə bağlı araşdırma aparılır”, – qurumdan qeyd edilib.
