İndoneziyada vulkan püskürüb

İndoneziyanın Sumatra adasında Marapi vulkanı püskürüb.

Hakimiyyet.info.az  xəbər verir ki, bu barədə “Antara” agentliyi müşahidə postuna istinadən məlumat yayıb.

Mütəxəssislərin verdiyi məlumata görə, vulkanik kül kraterin üzərindən 1 200 metr hündürlüyə, yəni dəniz səviyyəsindən 4091 metr yüksəkliyə qalxıb.

Bildirilir ki, kül şimal-şərq istiqamətində yayılır.

İndoneziya Respublikasının Vulkanologiya və Geoloji Fəlakətlərin Qarşısının Alınması Mərkəzi yerli sakinləri və turistləri ehtiyatlı olmağa, vulkanın krateri ətrafında 3 km-lik əraziyə yaxınlaşmamağa, eləcə də, tənəffüs yollarını vulkan tüstüsü və külündən qorumaq üçün maska və respiratorlardan istifadə etməyə çağırıb.