Kolleclərə qəbulun nəticələri elan olunub

Dövlət İmtahan Mərkəzi ümumi (9 illik) orta təhsil bazasında orta ixtisas təhsili müəssisələrinə qəbul olmaq üçün keçirilmiş müsabiqənin nəticələrini elan edib.

Trend xəbər verir ki, bu barədə Dövlət İmtahan Mərkəzi məlumat yayıb.

Bildirilib ki, abituriyentlər müsabiqə nəticələri ilə buradan tanış ola bilərlər.

Aabituriyentlər müsabiqənin nəticələri haqqında məlumatı, mobil operatorlar (Azercell, Bakcell, Nar, Naxtel) vasitəsilə “iş nömrəsi”ni 7727 nömrəsinə göndərməklə də öyrənə bilərlər.

Müsabiqənin nəticələri haqqında statistik məlumatlar aşağıdakı cədvəldə təqdim olunur:

Ümumi orta təhsil bazasında orta ixtisas təhsili müəssisələrinə qəbul olan
abituriyentlərin sayı haqqında ümumi məlumat

Təhsil forması	Qəbul planı	Qəbul olunub			Qəbulolma
		Azərbaycan bölməsi	Rus bölməsi	Bölmələr üzrə cəmi	faizi
Dövlət ödənişsiz	3251	3017	146	3163	97.29
Dövlət ödənişli	4558	4078	143	4221	92.61
Özəl (Bakı İlahiyyat Kolleci ilə birlikdə)	335	315	20	335	100.00
Cəmi	8144	7410	309	7719	94.78

Xüsusi qabiliyyət tələb edən və etməyən ixtisaslar üzrə qəbul olunan
abituriyentlərin sayı haqqında məlumat

Təhsil forması	Qəbul planı	Qəbul olunub			Qəbulolma
		Azərbaycan bölməsi	Rus bölməsi	Bölmələr üzrə cəmi	faizi
Xüsusi qabiliyyət tələb etməyən ixtisaslar	6695	6475	220	6695	100.00
Xüsusi qabiliyyət tələb edən ixtisaslar	1449	935	89	1024	70.67
Cəmi	8144	7410	309	7719	94.78

Abituriyentlər 2025-ci il 14 avqust saat 11:00-dan – 22 avqust saat saat 18:00-dək elektron qaydada qeydiyyatdan keçməlidirlər. Bunun üçün, https://portal.edu.az/ platformasında qeydiyyatdan keçmək, yaradılmış kabinetə daxil olduqdan sonra təqdim edilən xidmətlər sırasında “Ali və orta ixtisas təhsili müəssisələrinə təhsilalan qeydiyyatı” xidmətini seçmək lazımdır.

Müəyyən olunmuş müddətdə qeydiyyatdan keçməmək abituriyentin müvafiq ixtisasa yerləşdirilmədən imtina etməsi kimi qiymətləndiriləcək və onun qəbul haqqında əmri orta ixtisas təhsili müəssisəsinə göndərilməyəcək.