Konqo Demokratik Respublikasında “Ebola” virusundan ölənlərin sayı artır

Konqo Demokratik Respublikasında 3605 “Ebola” virusuna yoluxma qeydə alınıb ki, bunun da 1587-si ölümlə nəticələnib.

Hakimiyyet.info.az xəbər verir ki, bu barədə Ümumdünya Səhiyyə Təşkilatının məlumatında bildirilib.

Qeyd olunub ki, son məlumatlar iyulun 30-da qeydə alınıb.

Həmçinin diqqətə çatdırılıb ki, adıçəkilən ölkədə “Ebola” virusunun əhatə dairəsi genişlənib.

“Bu, Konqo Demokratik Respublikasının tarixində ən böyük epidemiyadır”, – deyə məlumatda vurğulanıb.