Pakistanda etiraz aksiyasına kamikadze hücumu: on üç nəfər həlak olub

Pakistanın şimalındakı Svat rayonunda polis bölməsinin yaxınlığında keçirilən etiraz aksiyası zamanı kamikadze hücumu baş verib. Hadisə nəticəsində on üç nəfər ölüb, 22 nəfər yaralanıb.

Bu barədə bazar günü polis məlumat yayıb.

Yerli polis rəsmisi Fida Hüseyn AFP-yə bildirib ki, “bir nəfər insanların sıx olduğu yol ayrıcında yerləşən polis bölməsinə daxil olmağa cəhd edib, lakin əsas girişdə polis əməkdaşları tərəfindən saxlanılıb”.

Onun sözlərinə görə, kamikadze daha sonra “əynində olan partlayıcı qurğu ilə doldurulmuş jileti işə salıb”.