“Çelsi” qapıçısını Fransa klubuna icarəyə verib

İngiltərənin “Çelsi” klubunun qapıçısı Filip Yorgensen Fransanın “Strasburq” komandasına icarəyə verilib.

Hakimiyyet.info.az xəbər verir ki, bu barədə London təmsilçisinin mətbuat xidməti məlumat yayıb. Danimarkalı qapıçı mövsümün sonunadək Liqa 1 klubunda çıxış edəcək.

Qeyd edək ki, “Strasburq” klubunun sahibi “Çelsi”nin də daxil olduğu “BlueCo” konsorsiumudur.

Filip Yorgensen 2024-cü ildən “Çelsi”də çıxış edir. O, ötən mövsüm London klubunun heyətində 12 oyuna çıxıb və 17 qol buraxıb. Qolkiper həmin görüşlərin ikisində qapısını toxunulmaz saxlayıb.