Bəzi dağ çaylarından qısamüddətli sel keçəcək

Avqustun 20-si gündüzdən başlayaraq 21-i gündüzədək Azərbaycanın şimal və qərb rayonlarında fasilələrlə yağış yağacağı gözlənilir.

Bu barədə AZƏRTAC-a Milli Hidrometeorologiya Xidmətindən məlumat verilib.

Ayrı-ayrı yerlərdə qısamüddətli leysan xarakterli intensiv olacağı, şimşək çaxacağı, dolu düşəcəyi ehtimalı var.

Gözlənilən yağıntılarla əlaqədar çaylarda sululuğun artacağı, bəzi dağ çaylarından qısamüddətli sel keçəcəyi istisna olunmur.