İsmayıllıda göldə boğulan bacı-qardaşdan birinin meyiti tapılıb

İsmayıllı rayonunda ehtiyatsızlıq səbəbindən ağır bədbəxt hadisə baş verib. Təsərrüfat məqsədləri üçün istifadə olunan göldə bacı və qardaş batıb.

AZƏRTAC-ın bölgə müxbiri xəbər verir ki, hadisə yerinə cəlb olunan xilasedicilər tərəfindən onlardan birinin meyiti sudan çıxarılıb. Digər azyaşlının axtarışları isə hazırda intensiv şəkildə davam etdirilir.

Faktla bağlı araşdırma aparılır.