AQTA ilə İran nazirliyi arasında görüş: idxal, ixrac və fitosanitar nəzarət

Azərbaycan Respublikasının Qida Təhlükəsizliyi Agentliyi (AQTA) ilə İran Kənd Təsərrüfatı Nazirliyinin nümayəndələri arasında onlayn formatda görüş keçirilib.

AQTA-dan AZƏRTAC-a bildirilib ki, görüş zamanı bitki və heyvan sağlamlığı, baytarlıq və fitosanitar nəzarətə aid olan məhsulların idxalı və ixracı ilə bağlı məsələlər müzakirə edilib.

Həmçinin transsərhəd heyvan xəstəliklərinin qarşısının alınması və birgə mübarizə tədbirlərinin həyata keçirilməsi, qarşılıqlı ticarət və tranzit zamanı fitosanitar nəzarətin gücləndirilməsi, eləcə də bu sahələrdə əməkdaşlığın genişləndirilməsi ilə bağlı fikir mübadiləsi aparılıb.