İndoneziyaya məxsus bərə qəzaya uğrayıb, ölənlər və itkin düşənlər var

Yava dənizində İndoneziyaya məxsus sərnişin bərəsi qəzaya uğrayıb.

Hakimiyyet.info.az bu barədə xarici mediaya istinadla xəbər verir.

İndoneziyanın Axtarış və Xilasetmə Agentliyinin yaydığı məlumata görə, hadisə nəticəsində sərnişinlərdən 6-sı ölüb, 107-si xilas edilib, digərlərinin axtarışı aparılır.

Bildirildiyinə görə, içərisində 243 nəfərin olduğu “Virgo Transport 8” gəmisi ilə əlaqə kəsildikdən sonra axtarış-xilasetmə əməliyyatına başlanılıb. Əməliyyatlar üçün birgə işçi qrupu yaradılıb. Hadisə yerinə gəmilər və vertolyot göndərilib. Xilasetmə əməliyyatında 280 nəfər iştirak edir.