Ağdərədə 28 yaşlı kişi elektrik cərəyanının vurması nəticəsində ölüb

Ağdərə rayonunda elektrik cərəyanının vurması nəticəsində ölüm hadisəsi baş verib.

Trend-in Qarabağ bürosunun əldə etdiyi məlumata görə, hadisə rayonun Həsənriz kəndində qeydə alınıb.

İlkin məlumata əsasən, Goranboy rayonunun Yeniyol kənd sakini, 1998-ci il təvəllüdlü Mütəllimov Raqif Allahyar oğlu Həsənriz kəndində elektrik xəttinin çəkilişi işləri zamanı elektrik cərəyanının təsirinə məruz qalaraq həyatını itirib.

Faktla bağlı araşdırma aparılır.