Xocavənddə iki nəfərin xəsarət alması ilə nəticələnən yol qəzası baş verib

Xocavənd rayonunun Qaradağlı kəndi ərazisində yol-nəqliyyat hadisəsi qeydə alınıb.

Trend-in Qarabağ bürosunun məlumatına görə, hadisə iki minik avtomobilinin toqquşması nəticəsində baş verib.

Qəza zamanı Beyləqan rayonunun Yuxarı Aran kənd sakini, 1979-cu il təvəllüdlü Elnur Qarayev və Örənqala kənd sakini, 1981-ci il təvəllüdlü Səxavət Məmmədov xəsarət alıblar.

Hər iki yaralı tibbi yardım göstərilməsi üçün Beyləqan Mərkəzi Rayon Xəstəxanasına yerləşdirilib.

Faktla bağlı araşdırma aparılır.