Azərbaycan və Albaniya arasında idman əməkdaşlığı müzakirə olunub 

Sentyabrın 25-də gənclər və idman naziri Fərid Qayıbov Albaniya Milli Olimpiya Komitəsinin prezidenti Fidel İlli və Albaniya Gimnastika Federasiyasının prezidenti Leonard Lulayla görüşüb.

Bu barədə AZƏRTAC-a Gənclər və İdman Nazirliyindən məlumat verilib.

Görüş zamanı Azərbaycan və Albaniya arasında idman sahəsində əməkdaşlığın mövcud vəziyyəti və gələcək perspektivləri barədə fikir mübadiləsi aparılıb.