Cəlilabadda fərdi yaşayış evində yanğın olub

Cəlilabad rayonunun Hamarqışlaq kəndində yanğın hadisəsi baş verib.

AZƏRTAC-ın bölgə müxbiri xəbər verir ki, hadisə kənd ərazisində Rasim Əliyevə məxsus birmərtəbəli fərdi yaşayış evində qeydə alınıb. Yanğın nəticəsində evə ziyan dəyib.

Hadisə ilə bağlı aidiyyəti qurumlar tərəfindən araşdırma aparılır. Yanğının başvermə səbəbi və dəymiş ziyanın həcmi dəqiqləşdirilir.