Qubada 59 yaşlı kişi dəm qazından zəhərlənərək ölüb

Quba şəhərində ölüm hadisəsi baş verib.

AZƏRTAC-ın bölgə müxbiri xəbər verir ki, hadisə Quba şəhərinin SUM-12 yaşayış massivində qeydə alınıb.

1966-cı il təvəllüdlü İmran Allahverdiyev yaşadığı evin hamamında dəm qazından zəhərlənərək həyatını itirib.

Mərhumun qardaşı Ələddin Allahverdiyevin sözlərinə görə, hadisə oktyabrın 5-də saat 14-15 radələrində baş verib. Həmin vaxt evdə heç kim olmayıb.

Faktla bağlı Quba Rayon Prokurorluğunda araşdırma aparılır.