ABŞ Beynəlxalq Cinayət Məhkəməsinə qarşı yeni sanksiyalar tətbiq edəcək

ABŞ Beynəlxalq Cinayət Məhkəməsinə (BCM) qarşı əlavə sanksiyalar tətbiq etməyə hazırlaşır.

Hakimiyyet.info.az xəbər verir ki, bu barədə “New York Post” məlumat yayıb.

Qəzetin məlumatına görə, qərar BCM-in ABŞ hərbçiləri və rəsmilərinə qarşı araşdırmalarına cavab olaraq qəbul ediləcək. ABŞ diplomatlarına məhkəməyə qarşı “əlavə tədbirlər” barədə xəbərdarlıq edilib.

Nəşrin istinad etdiyi memorandumda BCM-in milli dövlətlərdən üstün mövqe tutmağa çalışdığı və ABŞ-nin onun yurisdiksiyasını qəbul etmədiyi vurğulanır.

Qeyd olunur ki, ABŞ Roma Statutunun tərəfi deyil və məhkəmənin amerikalı hərbçilər və rəsmilər üzərində yurisdiksiyasını tanımır.