SOCAR-ın keçmiş təqaüdçüsü ABŞ-da xərçəngə qarşı yeni immunopreparat hazırlayıb (FOTO)

SOCAR-ın keçmiş təqaüdçüsü ABŞ-da xərçəngə qarşı yeni immunopreparat hazırlayıb (FOTO)

21.04.2020 Off By admin

“Hakimiyyet.com” xəbər verir ki,

SOCAR-ın Xarici Təqaüd Proqramının qalibi kimi ABŞ-ın prestijli təhsil ocağı olan Minnesota Universitetində kimya mühəndisliyi üzrə təhsil almış Aslan Mansurov. Bugünkü uğurlara, 2013-cü ildə SOCAR-ın Təqaüd Proqramını qazandığına görə özünü şanslı hesab edir. 2017-ci ilin mayında Minnesota Universitetini fərqlənmə diplomu ilə bitirən Aslan Mansurov Kimya mühəndisliyi dərəcəsi alıb. Biologiyaya və təbabətə olan maraq onu bu sahədə təhsilini davam etdirməyə sövq edib.

Hazırda Çikaqo Universitetinin Pritzker Molekulyar Mühəndislik İnstitutunun doktorantı olan həmyerlimizin hazırladığı İnterlikin-12 (IL-12) preparatı xərçəng hüceyrələri ilə mübarizədə yüksək təsirə malikdir. Yeni immunopreparat artıq 800-ə yaxın siçan üzərindən tətbiq olunub. Siçanların böyük əksəriyyəti bu xəstəlikdən tamamilə sağalıb. Baxmayaraq ki, kimya və şüa terapiyaları eyni xərçəng növlərini daşıyan sıçanlara heç bir təsir göstərməyib. Bu da IL-12 preparatının standart müalicələrdən üstün olduğunu göstərir.

Yaxın bir il ərzində IL-12 preparatı insanlar üzərində yoxlanılacaq. Hazırda Bir sıra həkimlərlə, bir sıra klinikalarla Bu preparatı insanlarda yoxlamaq üçün danışıqlar aparılır. Həmyerlimizin elmi məqaləsi “Nature Biomedical Engineering” jurnalında çap olunub. Bu jurnal biomühəndislik və biotexnologiya sahəsində ən prestijli jurnallardan biri sayılır.

Aslan Mansurov elmi tədqiqatına patent alıb. Və Çikaqo Universitetində bu sahədə elmi araşdırma aparan ilk azərbaycanlıdır.

Share