Üç ayda kommersiya qurumlarının 63,6 faizi elektron qeydiyyata alınıb
22.04.2020“Hakimiyyet.com” xəbər verir ki,
Cari ilin birinci rübündə kommersiya qurumlarının 63,6 faizi elektron qaydada qeydiyyata alınıb.
İqtisadiyyat Nazirliyi yanında Dövlət Vergi Xidmətindən -a bildirilib ki, yerli investisiyalı məhdud məsuliyyətli cəmiyyətlərin e-qeydiyyatının xüsusi çəkisi isə 91,2 faiz təşkil edib. 2019-cu ildən tətbiq olunan yeni qeydiyyat üsulu ilə (fin kod+mobil nömrə) bu ilin 3 ayında 270 yerli investisiyalı məhdud məsuliyyətli cəmiyyət (MMC) qeydiyyata alınıb. Bu üsulun ümumi qeydiyyatda xüsusi çəkisi 9,6 faiz, yerli investisiyalı MMC-lərin qeydiyyatında isə 13,8 faiz təşkil edib.
Əsasən 2019-cu ilin hər bir ayı üzrə müşahidə olunmuş dövlət qeydiyyatının artım dinamikası hesabına həmin ilin müvafiq dövrü ilə müqayisədə cari il aprel ayının 1-nə qeydiyyatda olan kommersiya hüquqi şəxslərin sayı 14 min 801 vahid və ya 11,5 faiz artıb.











