Salyanda evdə partlayış baş verib, bir nəfər yaralanıb

Salyanda evdə partlayış baş verib, bir nəfər yaralanıb

25.04.2020 Off By admin

“Hakimiyyet.com” xəbər verir ki,

Salyanda evdə partlayış baş verib. 

APA-nın Mil-Muğan bürosunun məlumatına görə, Salyan şəhərində beşmərtəbəli yaşayış binasının 4-cü mərtəbəsində, ümumi sahəsi 60 m² olan 3 otaqlı mənzildə yanğınla nəticələnən partlayış baş verib.

Yanğın nəticəsində mənzilin 1 otağının yanar konstruksiyaları və içərisində olan ev əşyaları 20 m² sahədə yanıb.

Partlayış dalğasının təsirindən mənzilin 2 ədəd pəncərə çərçivəsi yerindən çıxıb. Hadisə zamanı 34 yaşlı Zamiq Zakir oğlu Məziyev 3-cü dərəcəli yanıq xəsarəti ilə Salyan rayon mərkəzi xəstəxanasına yerləşdirilib.

Yanğın yanğından mühafizə bölmələri tərəfindən söndürülüb. Partlayışa səbəb evdə qaz sızması olub.

Hadisə ilə əlaqədar müvafiq qurumlar tərəfindən təhqiqat aparılır.

Share