İtaliyada Formula 1 Qran-Prisinin təşkil olunacağına əmindirlər
29.04.2020“Hakimiyyet.com” xəbər verir ki,
İtaliyanın “ACI” klubunun prezidenti Anjelo Stikki Damiani milli Qran-Prinin ləğvi barədə alman mətbuatında yaranan şayiəni təkzib edib.
AZƏRTAC xəbər verir ki, klub prezidenti deyib: “Mən təsəvvür edə bilmirəm ki, mərhələnin ləğvi barədə saxta xəbərlər haradan əmələ gəlir. Biz əminik ki, Formula 1 çempionatının İtaliya Qran-Prisi baş tutacaq. Yürüşlər bağlı qapılar arxasında da keçirilə bilər.
Biz sentyabrın əvvəlində vəziyyətin necə olacağından xəbərsizik. Ümidvarıq ki, o vaxtadək epidemiya başa çatacaq. Hələlik isə tamaşaçısız Qran-Priyə hazırlıq aparırıq.
Ehtimal ki, tamaşaçısız yürüşlər bizi əsas gəlir mənbəyimizdən məhrum edəcək. Biz bu məsələni “Liberty Media” ilə müzakirə edəcəyik.











