Fransada bankda insanları girov götürən şəxs saxlanılıb

Fransanın polis xüsusi təyinatlıları ölkənin şimalındakı Havr şəhər bankında insanları girov götürən silahlı şəxsi saxlayıblar

APA xəbər verir ki, bu barədə BFMTV telekanalı məlumat yayıb.

Bbinada olan bütün bank işçiləri azad edilib. 

***

Saat 21:47

Fransanın Havr şəhərində silahlı şəxs bankda insanları girov götürüb.

APA xəbər verir ki, bu barədə “Figaro” nəşri məlumat yayıb.

Məlumata görə, iki nəfər binanı tərk edə bilib və hazırda içəridə dörd girov var. Bildirilir ki, silahlı kişi Havrın mərkəzində, Strasbur bulvarındakı bank filialına daxil olub və tələb irəli sürüb. Tələbin təfərrüatları hələlik açıqlanmır.

Bank binası mühasirəyə alınıb, hadisə yerinə terrorçuluqla mübarizə üzrə xüsusi təyinatlı polis bölmələri gəlib. Hazırda polis həmin şəxslə danışıqlar aparır.

“BFMTV” telekanalının məlumatına görə, şübhəli şəxs psixi problemləri olan və bir sıra qanun pozuntularına görə polis tərəfindən tanınan 34 yaşlı yerli sakindir.