Formula E: Maks Günter virtual yürüşün qalibi olub

Formula E: Maks Günter virtual yürüşün qalibi olub

20.04.2020 Off By admin

“Hakimiyyet.com” xəbər verir ki,

“BMW” komandasının pilotu Maks Günter “Home Challenge” virtual seriyasının test yürüşünün qalibi olub. Yürüşçüyə bu qələbəni əldə etməyə Monakoda pouldan start verməsi və bundan əvvəl isə təsnifatı qazanması kömək olub.

AZƏRTAC xəbər verir ki, yürüşə ikinci mövqedən başlayan Stoffel Vandorn (“Mercedes”) Günteri təqib edib, üçüncü yer uğrunda Jan-Erik Vernlə (“DS Techeetah”) Andre Lotterer arasında gedən mübarizədə isə fransız qalib gəlib.

Lakin Lotterer bununla razılaşmayaraq bir müddət sonra hücuma keçib, mövqeni sərt tərzdə qazanıb. Bu halda Vern Nik Kessidi də özündən irəli buraxaraq 5-ci pilləyə düşüb. Formula E-nin hazırkı çempionunun qarşılaşdığı xoşagəlməz hallar bununla da sona çatmayıb. Tezliklə Niko Müller (“Dragon”) onu altıncı pilləyə sıxışdırıb.

Son dövrədə Vandorn Günterlə arasında olan məsafəni azaltmağa cəhd etsə də, lakin alman yürüşçü çox sürətlə yürüşünə davam edib, bununla da rəqibinə şans verməyib. Stoffel finiş xəttini keçərək qalibdən onda yeddi saniyə geri qalıb. Lotterer finişdə üçüncü olub.

Share