Tamam Cəfərova: Azərbaycan dövləti pandemiya dövründə ölkə əhalisinin sosial müdafiəsi üçün kompleks tədbirlər həyata keçirir

Tamam Cəfərova: Azərbaycan dövləti pandemiya dövründə ölkə əhalisinin sosial müdafiəsi üçün kompleks tədbirlər həyata keçirir

17.04.2020 Off By admin

“Hakimiyyet.com” xəbər verir ki,

Azərbaycan dövləti pandemiya dövründə ölkə əhalisinin sosial müdafiəsi üçün kompleks tədbirlər həyata keçirir.

Bu sözləri Trend-ə açıqlamasında Milli Məclisin deputatı Tamam Cəfərova deyib.

Millət vəkili bildirib ki, dövlətimiz ilk gündən koronavirusun ölkəmizdə yayılmasının qarşısını almaq, əhalinin sağlamlığını qorumaq məqsədilə hərtərəfli, önləyici tədbirlər görüb və görməkdə davam edir.

T.Cəfərova pandemiya dövründə bir neçə qurumun iş yükünün dəfələrlə artdığını vurğulayaraq onların əməyini yüksək qiymətləndirib:

“Bu qurumlardan biri də Əmək və Əhalinin Sosial Müdafiəsi Nazirliyidir. Nazirik və onun bütün yerli qurumları qeyri-iş günlərində və xüsusi karantin dövründə gücləndirilmiş iş rejimində çalışırlar. Bu dövlət qurumu indiki dönəmdə əlavə olaraq 65 yaşdan yuxarı olan şəxslərə sosial xidmətlər göstərir, könüllülərin fəaliyyətini koordinasiya edir, vətəndaşların çoxsaylı müraciətinə baxır. Nazirlik bütün müraciətləri növbəlilik və şəffaflıq prinsipi ilə cavablandırır. Əmək və Əhalinin Sosial Müdafiəsi nazirinin rəhbərliyi ilə yaradılan İşçi Qrup isə qısa zaman kəsiyində pandemiyadan zərər çəkməsi ehtimal olunan iqtisadi fəaliyyət sahələrində çalışan muzdlu işçilərin sosial müdafiəsi və onlara dövlət dəstəyinin göstərilməsi, yaxın və orta müddətdə məşğulluq tədbirlərinin gücləndirilməsi məqsədi ilə müvafiq təkliflərlə çıxış etdi”.

Share