Ceffri Kondoqbiyanın “Atletiko”ya keçidi rəsmiləşib

“Valensiya”nın yarımmüdafiəçisi Ceffri Kondoqbiyanın “Atletiko”ya keçidi rəsmiləşib.

Apasport.az xəbər verir ki, Madrid klubu rəsmi saytı vasitəsilə bu transferi bəyan edib.

Mərkəzi Afrika Respublikası millisinin üzvü yeni komandası ilə 4 illik müqavilə imzalayıb. Bu keçid “yarasalar”a 15 milyon avro qazandırıb. 27 yaşlı dayaq yarımmüdafiəçisi yay fasiləsində “Arsenal”a keçən Tomas Partini əvəzləyəcək.

Qeyd edək ki, Ceffri Kondoqbiya “Valensiya”ya 2017-ci ildə “İnter”dən keçib.