Distant kursa yekun vuruldu: 8 prokurorluq işçisi müvəffəqiyyət əldə edib

Avropa Şurasının “HELP e-learning” platformasında
hakim və prokurorluq işçiləri üçün təşkil olunan kurs yekunlaşdırılıb

Avropa Şurası və Ədliyyə Nazirliyinin Ədliyyə Akademiyası ilə əməkdaşlıq çərçivəsində Baş Prokurorluğun Hüquqi təminat və insan hüquqları məsələləri idarəsinin rəis müavini, HELP milli tyutoru Günay Əyyubova tərəfindən Avropa Şurasının “HELP e-learning” platforması üzərindən 23 nəfər – 11 hakim və 12 prokurorluq işçisinə “Cinayət prosesində prosessual təminatlar və qurbanların hüquqları” mövzusunda distant kurs təşkil edilmişdir.

2 ay müddətində davam edən distant kursa yekun vurulmuşdur. 8 nəfəri prokurorluq işçisi olmaqla 12 nəfər müvəffəqiyyət əldə etmişlər. Yüksək nəticə nümayiş etdirən şəxslərə Avropa Şurasının sertifikatları təqdim ediləcək.

Kursun gedişi maraq doğurduğu üçün Avropa Şurası rəsmi veb-saytında və “Facebook”, “Twitter” sosial media hesablarında işıqlandırılmışdır.