Fəxrəddin Altun KİV-ləri partlayışla bağlı rəsmi məlumatlara istinad etməyə çağırıb

Hakimiyyet.info.az xəbər verir ki, Türkiyə Prezident Administrasiyasının Kommunikasiya İdarəsinin rəhbəri Fəxrəddin Altun İstanbulun mərkəzində baş verən partlayışla bağlı KİV-ləri rəsmi məlumatlara istinad etməyə çağırıb.

Bu barədə Türkiyə KİV-ləri məlumat yayıb.

“Dövlətimizin bütün qurum və təşkilatları İstanbulda baş vermiş hadisə ilə bağlı hərtərəfli və effektiv araşdırma aparır. Biz KİV-ləri məsuliyyətli olmağa, dezinformasiya xarakterli xəbərlər yaymamağa və müvafiq dövlət orqanlarının bəyanatlarına əsaslanmağa çağırırıq”, – deyə F.Altun bildirib.

Xatırladaq ki, İstanbulun mərkəzində İstiqlal küçəsində yerli vaxtla saat 16:20-də güclü partlayış baş verib. Partlayış nəticəsində 6 nəfər ölüb, 53 nəfər isə xəsarət alıb./Trend