Zuğulba şosesində nəqliyyat vasitəsində yanğın baş verib

Xəzər rayonu, Zuğulba şosesində nəqliyyat vasitələrindən birində yanğın hadisəsi baş verib.

Bu barədə Hakimiyyet.info.az-a Nəqliyyatı İntellektual İdarəetmə Mərkəzindən (NİİM) məlumat verilib.

Bildirilib ki, hadisə nəticəsində Mərdəkan şosesi istiqamətində nəqliyyat sıxlığı yaranıb.

“Polis əməkdaşları tərəfindən nəqliyyatın sərbəst hərəkətini təmin etmək məqsədilə zəruri tədbirlər həyata keçirilir”, – deyə Mərkəzdən qeyd olunub.