Ağstafada kişi meyiti aşkarlanıb

Ağstafa rayonu ərazisində kişi meyiti tapılıb.

AZƏRTAC-ın bölgə müxbirinin məlumatına görə meyit rayonun Həsənsu kəndində qəbiristanlığın yaxınlığında aşkarlanıb.

Hadisə yerinə polis və prokurorluq əməkdaşları cəlb olunub.

Araşdırma zamanı meyiti aşkarlanan şəxsin rayon sakini, 1980-ci il təvəllüdlü Z.Yolçiyev olduğu müəyyənləşdirilib. Meyit müayinə olunması üçün Məhkəmə-Tibbi Ekspertiza və Patoloji Anatomiya Birliyi publik hüquqi şəxsinin Ağstafa rayon şöbəsinə təhvil verilib.

Ölümün səbəbi hələlik məlum deyil. Faktla bağlı Ağstafa Rayon Prokurorluğunda araşdırma aparılır.