Ağstafada iki avtomobil toqquşub, xəsarət alan var

Ağstafada yol-nəqliyyat hadisəsi baş verib.

AZƏRTAC-ın bölgə müxbirinin məlumatına görə hadisə rayon ərazisində qeydə alınıb. Belə ki, hərəkətdə olan iki avtomobil toqquşub.

Qəza zamanı 2007-ci il təvəllüdlü E.Fərəcov, B.Həsənov və T.Məmmədov xəsarət alaraq xəstəxanaya yerləşdiriliblər. Onlara dərhal tibbi yardım göstərilib, hazırda yaralıların vəziyyəti orta ağır qiymətləndirilir. Hadisə yerinə polis əməkdaşları cəlb olunub.

Faktla bağlı araşdırma aparılır.