Ağstafa və Qazax sakinlərinin sosial məsələlərlə bağlı müraciətləri cavablandırılıb

Əmək və əhalinin sosial müdafiəsi nazirinin müavini Zaur Əliyev sentyabrın 11-də Ağstafa rayonunda Ağstafa və Qazax rayonlarının sakinlərini qəbul edib.

Əmək və Əhalinin Sosial Müdafiəsi Nazirliyinin mətbuat xidmətindən AZƏRTAC-a verilən məlumata görə, qəbul zamanı vətəndaşların məşğulluq, əlillik, mənzil təminatı, ünvanlı sosial yardım və s. məsələlərlə bağlı müraciətləri cavablandırılıb.

Müraciətlərdə əksini tapan məsələlərin həlli ilə əlaqədar tədbirlər görülüb.

Sorğu xarakterli müraciətlərlə bağlı qanunvericiliyə uyğun izahatlar verilib.