Sabirabadda piyadanın ölümü ilə nəticələnən yol qəzası olub

Sabirabad rayonunda baş verən yol-nəqliyyat hadisəsi zamanı piyada ölüb.

AZƏRTAC-ın bölgə müxbiri xəbər verir ki, hadisə rayonun Qalağayın kəndi ərazisində qeydə alınıb.

Sabirabad şəhər sakini, 1980-ci il təvəllüdlü Məmmədov Samir Alməmməd oğlu idarə etdiyi “Toyota” markalı avtomobillə hərəkətdə olarkən yolu keçən piyada – Sabirabad rayonunun Qalağayın kənd sakini, 1956-cı il təvəllüdlü Hüseynova Püstəxanım Bahadur qızını vurub.

Ağır xəsarətlər alan piyada ölüb.

Faktla bağlı araşdırma aparılır.