Gəncədə kişi naməlum şəraitdə döyülüb

Gəncədə döyülmə faktı qeydə alınıb.

APA-nın yerli bürosunun məlumatına görə, hadisə şəhərin Fikrət Əmirov küçəsində baş verib.

Belə ki, 1986-cı il təvəllüdlü İqır Rubkov müxtəlif bədən xəsarəti ilə xəstəxanaya yerləşdirilib.

Xəstəyə lazımi tibbi yardım göstərilib, vəziyyətinin kafi olduğu bildirilir. 

Məlumata görə, İ.Rubkov küçədə tanımadığı şəxs tərəfindən döyülüb.

Faktla bağlı araşdırma aparılır.