Bakı-Qəbələ-Bakı qatarlarının hərəkət qrafikinə dəyişiklik edilir

“Azərbaycan Dəmir Yolları” QSC (ADY) sərnişinlərə müraciət edib.

ADY-dən AZƏRTAC-a bildirilib ki, ənənəvi mövsümlərarası keçidlə əlaqədar sentyabrın 19-dan etibarən Bakı-Qəbələ-Bakı qatarlarının hərəkət qrafikinə dəyişiklik ediləcək.

“Belə ki, qatarlar Bakıdan Qəbələyə həftənin şənbə günü, Qəbələdən Bakıya isə bazar günü hərəkət edəcək. Qeyd olunan tarixdən sonrakı səfər planlarınız üçün yeni qrafiki nəzərə almağınızı tövsiyə edirik”, – deyə məlumatda bildirilir.